اخبار
الرئيس السيسي: المنتزه متاحة لكل الناس وبنحافظ على تاريخنا
الإثنين 05/ديسمبر/2022 - 01:05 م
طباعة
sada-elarab.com/666750
تحدث الرئيس عبد الفتاح السيسي، عن تطوير منطقة المنتزه قائلا: "أنا عاوز أفكركم لما جينا نبدأ في المنتزه، ناس كانت بتقول هتعملوا إيه، وناس زعلت.. إحنا مش هنحرم حد أبدا، المنتزه مفتوحة لكل الناس ومتاحة للكل.. من أول أنا، ومفيش هياخد حاجة مش بتاعته.. لو بتاعته مش هقدر أنازعه في الملكية، الشاليهات اللى كانت موجودة أنت بتستخدمها أسبوع و2 في السنة دلوقتي مفتوحة للكل، تقريبا كل حاجة خلصت.. قصر السلاملك كان هينهار.. نرجع كل حاجة زي ما كانت.. ده تاريخنا".
وأضاف الرئيس السيسي خلال افتتاح محور أبو ذكرى بالإسكندرية: "كنت أتمنى إن اللي بيتقال عن تطوير المنتزه في مداخلات تليفزيونية وصفحات التواصل الاجتماعي.. التعليق على الوضع.. حط الصورة دي بالصورة القديمة.. وعمرنا ما هنعمل حاجة إلا كل خير.. مفيش إلا الخير.. اتفرجوا عليها لما نخلصها.. طب لمين.. الناس اللي موجودة في الإسكندرية.
وتابع الرئيس السيسي: "انتوا مستغربين.. عندنا حرص نرجع للأحسن.. مش كنا بنقول الكلام ده على شكل وصورة البلد من 80 و100 سنة.. طب لما تبقى معانا إحنا يبقي شكلها إيه.. ترجع تاني.. حتى لو مش هنضيف عليها نحافظ عليها.. أي حاجة بندخل فيها يعني بنعمل حاجة حلوة أوي والله.. انتوا مالكم خايفين ليه.. مش بنعمل أي حاجة "أي كلام".. ومش أعرف "الأي كلام".. وباين اتعودنا عليه.. والناس شكلها اتعودت على "الأي كلام".
يذكر أن السفير بسام راضي المتحدث الرسمي لرئاسة الجمهورية، أوضح أن محور التعمير الجديد يعتبر اضافة ونقلة نوعية ضخمة من شأنه ان يفتح آفاق تنموية جديدة لمنطقة غرب محافظة الإسكندرية بكاملها ويزيد من حيزها العمراني، ويربط ميناء الدخيلة بالطريق الصحراوي والطريق الدولي الساحلي ومدينة برج العرب، وليصبح شرياناً تنموياً حيوياً لربط الإسكندرية بمدينة العلمين الجديدة عبر الطريق الساحلي.
أضاف المتحدث الرسمي، بأن محور التعمير يأتي كخطوة جديدة اضافية في تنفيذ استراتيجية الدولة في إنشاء شبكة الطرق والمحاور على امتداد رقعة الجمهورية، تلك المحاور التي لم تعد تقتصر فقط على تسهيل حركة المرور وانتقال المواطنين، بل أصبحت المحاور المرورية شرايين جديدة للحياة تدعم جهود الامتداد العمراني المنظم، والتجمعات السكنية الحديثة، وتعزز من العوائد الاقتصادية والتجارية، وتوفر فرص عمل، كما تربط المشروعات القومية لتتكامل مع بعضها، وذلك انعكاساً لرؤية تنموية شاملة وفلسفة علمية عميقة نحو البناء والتعمير والتنمية.
