محافظات
سلسلة تثقيفية ومعلومات تهم المواطنين بخصوص التصالح في مخالفات البناء وتقنين الأوضاع بالمنيا
الثلاثاء 04/أغسطس/2020 - 11:06 ص
طباعة
sada-elarab.com/536491
في حالة وجود مخالفة بناء قديمة أو جديدة لابد من عمل تصالح وذلك منذ عام 2008 وحتي تاريخه فقد نوه العقيد محمدصلاح ابوكريشة رئيس مركز ومدينة المنيا بأطلاق سلسلة تثقيفية ومعلومات تهم المواطنين بخصوص التصالح في مخالفات البناء وتقنين الأوضاع
كيف اعلم انه ينفع اعمل تصالح ؟
في الحاله دي بنشوف تاريخ المخالفه اذا كانت خارج الحيز العمراني حتي تاريخ 22-7-2017
داخل الحيز العمراني حتي تاريخ 8-4-2019
هل لابد ان يكون تم تحرير محضر ؟
مش لازم يكون اتعمل ليك محضر عشان تقدم علي تصالح
ما مدي الاستفادة من التصالح في حالة عدم تحريرمحضر ؟
.
هتقنن وضعك .. مش معني ان انت متعملش ليك محضر لسبب ما اهمال أو اى اسباب تانية يبقي حضرتك مش مخالف لا مخالف ومش هتقدر بعد كده تعلي طوبه واحده في البيت عشان انت معندكش اساسا رخصه وما قدمتش علي تصالح وكمان فى اى لجان تفتيش هيتعملك محضر فى اى وقت طالما فى ظل القانون 119 لسنة 2008
واذا تم عمل محضر و خد براءة فيه وضعي ايه دلوقتى ؟
. محضر البناء بدون ترخيص له شقين .. شق جنائي وشق اداري
البراءة بخصوص الشق الجنائي دا خاص بشخصك
اما الشق الاداري فالمنزل مازال مخالف ومش هتعرف تعمل تعليه او تبني ادوار تاني ولو حبيت تبنى دور هيتعملك
١) محضر مباني بدون ترخيص
٢) محضر استئناف اعمال
٣) محضر عدم تنفيذ قرار ازاله. و كمان مش هتعرف توصل مرافق من الوحده و شوف تكلفه المياه كام و الكهرباء كام عشوائى. لكن بالتصالح هتركب مياه و كهرباء برسوم قليله عن طريق الوحده المحليه
الاستفادة من التصالح ؟
🔸 التصالح يعتبر انك بتشتري رخصه للبيت حتي لو البيت خارج كردون المباني يعني اصبحت داخل الكردون اوالحيز وليك حق في جميع المرافق و عمل ادوار جديدة و تعليه و مفيش محاضر ولا محاكم
كيفية التصالح ؟
هتقدم بصوره البطاقه وصورة عقد البيت و صورة من محضر المخالفه و دا من الوحدة المحلية و بتروح بيهم للمركز التكنولوجى بمقر الوحدة المحلية التابع ليها ف مركزك
بتدفع رسوم الفحص حوالى 125 جنيها و فى حاجة جديدة اسمها جدية التصالح ..حوالى 25% من مجموع مبلغ التصالح .. والمبلغ دا يتم استرداده فى حاله عدم قبول التصالح لأى اسباب و بيكون فيه تظلمات كمان او بيتم خصمه من مبلغ قيمة التصالح
ما العمل في حالة وجود قضايا حاليا ؟
لما بتروح تقدم علي تصالح والمحامي بيقدم المستندات المطلوبه بياخد حاجه اسمها نموذج 3 الي بيتقدم للمحكمه وتوقف القضيه لحين الفصل في التصالح ودا استفاده كبيرة انك بتوقف المحاضر و الازلات طالما معاك النموذج بتاع التصالح و جدية التصالح لحين المعاينات و التقارير الهندسية
احسب تكلفة منزلك ؟
ممكن تعمل حسبه بسيطه كده تعرف هتدفع حوالي كام تقريبا
هتحسب مساحه البيت الاجماليه ( الطول في العرض)
يعني مثلا عندك بيت 100 متر هيبقي التصالح 100 متر في عدد الادوار المخالفه
وسعر المتر يبدأ من 50 جنيه في القري وبيتحسب سعر المتر علي اساس الشارع و عرضه والمنطقه الي انت فيها و الحمد لله معظم القرى الشوارع عرضها أقل من 10م يعنى التصالح مش هيكلف كتير
متي اخر موعد للتقديم علي التصالحات ؟
يوم 2020 / 9 / 30 يعني مش هتعرف تقدم علي تصالح بعد الميعاد ده يعنى لازم نتحرك من النهاردة مش عايز اقول امبارح علشان الوحدات المحلية هتبدأ تمر على المخالفين فى المنازل و هتعمل محاضر و قرارات ازاله ولكن يوم 15/8/2020 هتبدأ الإزلات بتواجد قوات الشرطة بالحمله المكبره دا غير تحويل محاضرتنفيذ الإزاله للنيابة العسكرية …
فكل مخالف يلحق يقدم على التصالح علشان المحاضر هتتعمل بتاريخ اليوم لأنها كدا كدا مخالفه سواء من بداية البناء أو اى ادوار تانية … فاتصالح و امشى رسمى افضل بكتير ودى فرصه متضيعهاش منك
اما بالنسبه لموضوع التواريخ والتصالح علي المخالفات قبل 2017 / 7 / 22 خارج الحيز وانا بصراحه المحضر معمول بعد التاريخ ده بكتير ايه الحل؟؟
بسيطه باذن الله ليها حلول تصوير الجوي اي صوره تعاقد علي اي مرفق كهرباء أو مياة والتكلفة ستكون اقل من غرامه المحكمه والمحامين والكفالات وأقل من الازاله للبيت واقل من كفاله النيابه العسكريه التي تصل الى مليون ولا تقل عن 15 الف
وكمان قيمه المصالحه بتتقسط بتدفع 25 ٪ جدية تصالح و بتقسط الباقى على ٣ سنوات وحسب القيمة و بردو فى القرى والعزب بسيطه وتبدأ من 50جنيه .
