نجم المصري لـ"كريم شحاتة": "هبطل كورة بسبب كدبك"

 شن أحمد كابوريا، صانع ألعاب فريق المصري، هجوما حادا على الإعلامي كريم حسن شحاتة، بسبب ادعاء الأخير بأن لديه مستندات تؤكد توقيع اللاعب لنادي الزمالك ولا يريد إظهارها احتراما لجمهور بورسعيد.

وقال كابوريا، خلال تدوينة له على صفحته بموقع التواصل الاجتماعي "فيس بوك": "بعد احترامي للأعلامي كريم حسن شحاته هو امبارح طلع في البرنامج و قال ان انا مضيت لنادي الزمالك و العقود معاه و هو مش عايز يطلعها احتراماً لجمهور بورسعيد اولا انت لو بتحترم مهنتك متقولش حاجه محصلتش".

وتابع: "انا بتحداك يا استاذ كريم انك تطلع العقود ولو انت طلعت العقود انا بقولك اهو قدام الناس كلها انا لا هقعد في المصري ولا رايح حته تانيه انا هبطل كوره خالص فا ياريت تطلعها بس يبقي ايه العمل بقي لو انت متلعطش حاجه انا قولت اني هبطل كوره خالص يا تري لو مفيش معاك عقود هتبطل اعلام ولا هتخلي الناس تشتمني علشان حاجه محصلتش وخلاص هيعدي الموضوع".

وأضاف: "أنا عمري ما هعمل حاجه من وراء كابتن حسام و كابتن ابراهيم الي انا جددتلهم علي بياض اول السنه دي و انا لسه ليا سنتين في النادي المصري وأي انتقال لاي نادي في العالم مش هيتم الا عن طريقهم وبموافقة كابتن حسام وكابتن ابراهيم و ادارة النادي المصري".