حوادث وقضايا
خبير أمن معلومات يكشف اختراق أجهزة كمبيوتر العاملين بهيئة البريد وسرقة بيانات المواطنين
الثلاثاء 28/يوليو/2020 - 11:11 م
طباعة
sada-elarab.com/535906
قال محمد عبد الباسط، خبير أمن المعلومات، إن هناك عدد من أجهزة الكمبيوتر الخاصة بالعاملين في هيئة البريد المصري تم اختراقها من قبل شخص منذ 3 شهور.
وكتب عبد الباسط، عبر حسابه الشخصي على موقع التواصل الاجتماعي “فيس بوك”، واضح كدا ان فى حد إخترق (او له access بشكل ما) على كمبيوتر لو أكتر من كمبيوترات العاملين فى هيئة البريد المصري، مضيفًا أن الشخص دا من حوالى 3 شهور (تحديداً فى 20 مايو 2020) قام بعرض screenshots بتوضح البيانات المسروقة واللى بتشمل بيانات كتيرة جدًا، البيانات دى بتشمل أسماء، أرقام تليفون، مكتب البريد التابع له الشخص او الجهة، رقم الكود البريدى، المنطقة، رقم تليفون المنطقة، وخطابات تخص الهيئة فى صورة PDF وبيانات أخرى، البيانات من الواضح إنها فى ملف Excel Sheet وملفات تانية مختلفة، البيانات معروضة للبيع مقابل 100 دولار فقط”.
وأضاف عبد الباسط، “مش هنقدر نعرض الـ screenshots او الرابط الخاص بالبيانات لأ-ن فيها بيانات حساسة وخاصة ومنعاً لإنتشارها، بردو قمنا بالتأكد من الموضوع وإبلاغ المشكلة لـ EG-CERT وللجهات المختصة علشان يحققوا فيها.
وأشار خبير أمن المعلومات، “أن تسريب البيانات الشخصية والإختراق مش ضرورى يحصل للمواطن بشكل مباشر، ممكن يحصل لجهات منوطة بالحصول على المعلومات دى وبالتالى بيكون مسؤوليتها هى حمايتها ودى عملية صعبة فى حد ذاتها لأن الإختراقات أو تسريب البيانات دى ممكن يكون حصل بطرق كتيرة جداً مش هنتطرق للحديث عنها دلوقتى ولو مكانتش بسبب التكنولوجيا هتبقى بسبب الوعى الأمنى للافراد العاملين فى الجهات دى”.
وتابع: “من تانى، إحنا فى “سيكيورتي” نشجع أى شخص يلاقى أى موقع من المواقع المخترقة الحكومية المصرية أنه يرسل إيميل بكل التفاصيل على [email protected] والموضوع نفسه مش حكراً على المواقع الحكومية المصرية”.
