رياضة
رئيس الزمالك : استقالة "العمارى" مقبولة وبالإجماع
الأربعاء 26/أكتوبر/2016 - 05:33 م
طباعة
sada-elarab.com/4132
أبدى مرتضى منصور رئيس نادي الزمالك رضائه التام لقرار استقالة العضو مصطفى العماري من مجلس ادارة النادي اليوم.
وكان مصطفى سيف العماري اعلن استقالته اليوم من مجلس الزمالك اعتراضاً على ما وصفه بتمثل الاغلبية في شخص رئيس النادي.
وقال رئيس الزمالك" استقالة مصطفى سيف مقبولة بالاجماع واتمنى انه يتمسك بموقفه وميتراجعش عنه وهو عمل الخطوة دى عشان عارف انه مجمد من اجتماع المجلس اللى فات وكان هيتشطب ونفس الامر بالنسبة لابوه هيتحول للتحقيق بسبب اهانته لاعضاء المجلس كلهم عن طريق اتصالاته لهم " .
وأضاف مرتضى " قبل كدة كان بينزل انتخابات ومش بينجح اللى نجحه انه موجود فى قائمتى " .
وأوضح قائلاً: " الزمالك هو النادى الوحيد اللى عنده رقابة ادارية فى النادى وخضع للتفتيش من قبل الجهاز المركزى للمحاسبات وانا لو عملت جمعية عمومية بكرة هيجيلى 50 الف عشان الناس عارفة انا عملت ايه للنادى والجمهور والاعضاء واثقين فيا ".
واختتم حديثه : " مش عايز افكر فى الامور الصغيرة دى بداية الدورى تعتبر بكرة وهو قبل اى ماتش مهم لازم يعمل القلق ده بس كل ده مش هيأثر فينا عايزين نركز فى فريقنا " .
