اخبار
أحمد موسى عن كامل الوزير: جدع وابن بلد وبيحب الخير ومخلص وعمل إنجازات
الأحد 15/نوفمبر/2026 - 10:02 م
أحمد موسى
طباعة
sada-elarab.com/827090
قال الإعلامي أحمد موسى إن الرئيس السيسي بدأ تطوير منظومة القطارات بمترو الأنفاق منذ 2014 - 2015، لافتا إلى أن قطارات الخط الأول الحديثة من إنتاج شركة «أليستون» بدأ تشغيله اليوم، معلقا: «العربات كلها مكيفة والقطر دا اللي بنشوفه في فرنسا، ووزير النقل كامل الوزير أجرى جولة اليوم بالتزامن مع تشغيله، وقد أجرى حوارا مع عدد من المواطنين».
وأضاف خلال برنامج «على مسئوليتي» المذاع على قناة «صدى البلد»: «القطارات تشهد تكنولوجيا حديثة مع عمليات صيانة دورية وأعلى معدلات للأمان، وهناك كاميرات مراقبة وسيارات مخصصة للسيدات ومقاعد لذوي الهمم وكبار السن، بالإضافة لشاشات عرض توضح مسارات القطارات والخط والمحطة».
وتابع موسى قائلا: «المترو أسهل وسيلة نقل من المواصلات العامة.. لو رايح من رمسيس للمرج ولا المرج للحلوان هتدفع كام؟.. أنا شخصيا كنت بركب القطر دا.. وكان الوسيلة المريحة والسهلة.. كنا نتجمع عن محطة الإسعاف ونقول يلا يا جماعة نروح المرج ولا حلوان ولا المعادي.. ولازم علينا نحافظ على المترو لأنه مال الشعب ومصلحتنا كلنا».
وواصل قائلا: «الفريق كامل الوزير بيتكلم مع الركاب وبيحب يسأل الناس ويطمن عليهم لأنه جدع كدا وابن بلد وبيحب الخير وشغال ومخلص وعمل إنجازات.. وانا ماشي على طريق الجلالة دعيت له؛ الطريق تم تأسيسه على أعلى مستوى من الكفاءة بتوجيهات الرئيس السيسي.. شفت بعيني ناس بتشتغل في شهر 8 في وسط الجبال.. كل دا علشان مشروعات تفيد البلد».
واستكمل أحمد موسى: «مفيش مشروعات بيتعمل في البلد إلا وبنكون كقناة صدى البلد موجودين فيه.. فيه ناس لما تعمل مشروع زي طريق الجلالة ومدينة وجامعة الجلالة 2018 تلاقيهم بيهاجموه ومابيتكلموش إلا عن الضلمة.. دي كلها مشروعات البلد ولسة فيه شغل بيتعمل على مدار الساعة لفضل الله تعالى».
