بالفيديو.. نانسى تُحرج عمرو أديب علي الهوا

تعرض الإعلامى الكبير عمرو أديب لسؤال محرج خلال حواره مع المطربة اللبنانية نانسى عجرم، إذ وجهت حديثها له قائلة: "إزاى أنت زملكاوى ولابس كرفتة حمرا" فرد عليها أديب ضاحكا: "أنا أول مرة واحد يحرجنى"، فعقبت: "هغيرك وهخيلك أهلاوى"، فرد الإعلامى عليها: "أنا بقيت أهلاوى.. اعملى اللى أنتِ عاوزاه".

وسأل عمرو أديب، نانسى عجرم، خلال اللقاء،: "مش بتخافى من الحسد" فردت نانسى: "اللى معه الله مش بيخاف من شىء".

وأضافت "عجرم" خلال حوارها مع الإعلامى عمرو أديب، مقدم برنامج"كل يوم جمعة"، المذاع عبر فضائية "ON E"، وراديو نغم "fm"، أنها تعرفت على زوجها فى عيادة الأسنان الخاصة به، فقاطعها عمرو أديب: "مش خايفة يعرف حد عليكِ فى نفس العيادة" فردت: "مش معقول يحب حد تانى غيرى"، وتابعت: "أنا بغير عليه وهو بيغير عليا بس إحنا متفقين على الغيرة وليها حدود".

ووجه لها أديب سؤالا قال فيه: "يعنى مش بتبصى فى الموبايل بتاعه وبتفتشى وراه" فردت نانسى: "لا أنا مش ببص فى الموبايل بتاعه، لأن القصة ثقة فيه وفيا، هو عمره ما فتش ورايا وهو مطمن جدا، والرومانسية بينا بقالها 11 عاما".