اخبار
منع بيع الدواجن الحية يعيد العشش إلى الأسطح
الأربعاء 17/أكتوبر/2018 - 04:45 م
طباعة
sada-elarab.com/117669
إعلان وزارة الزراعة منع وحظر تناول الدواجن الحية بالقاهرة والجيزة أعاد إلى أذهان ربات البيوت المثل الشعبى البلدى يوكل حيث قررن العودة إلى تربية الطيور فى المنزل لعدم الحاجة إلى شراء الفراخ المجمدة فى حال تنفيذ القرار بالفعل.
تقول عواطف حسيب ربة منزل تلجأ إلى تربية الدواجن فى المنزل وقرار حظر بيع الطيور الحية فى القاهرة والجيزة جعلها تتيقن من أنها تسير على الطريق الصحيح وأنها لن تضطر مثل غيرها إلى شراء الفراخ المجمدة بربى الفراخ ليا ولعيالى وساعات الجيران بيشتروا منى.
وبحسب قولها فإن النظافة هى اهم شىء تحافظ عليه أثناء التربية ده اساسى عشان صحة اولادى اكل الفراخ مش مكلف والفكرة مش بس بتوفر لى فى الفلوس لكن كمان الأكل صحى والبيض ببلاش ..وبرودة الطقس خلال فصل الشتاء يجعل من تربية الدواجن داخل المنزل أمرا صعبا والدتى دائما كانت بتنصحنى تدفئة الفراخ عشان ما تموتش ولا يجيلها مرض فى الشتاء.
تقول نادية سامى ربة منزل التى قررت بناء غرفة خشبية أعلى العمارة التى تسكن بها لتربية الدواجن فتعودها على تناول الدجاج الطازج غير المحقون باى هرمونات هو ما دفعها إلى تربيتها الفراخ المجمدة إللى بجيبها من السوبر ماركت بيكون طعمها مختلف تماما عن الفراخ إللى بتتجاب من الفرارجى.
أرز وخبز وماء هو الطعام الذى تضعه إيمان للدواجن أكل مش مكلف تماما وكمان بجيب ذرة وعلف لكن الأساسى الرز والعيش المبلل وترى أنها بهذا الحل استطاعت أن توفر فى الميزانية وفرت كتير وكمان باكل فراخ مضمونة مش هتاذى اولادى فى المستقبل.
بعد اتجاه ربات البيوت لهذه الخطوة قرر عاطف الصعيدى بائع دواجن فى سوق الجيزة ان يغير النشاط الخاص به ويتجه إلى بيع الدجاج الصغير الصالح للتربية انا بقالى 50 سنة بشتغل بائع للدجاج هى دى الشغلانة الوحيدة إللى بعرف اشتغلها حتى لما سافرت العراق اشتغلت فى بيع الفراخ وبحسب قوله فإن الزبائن فى المناطق الشعبية لا يملن إلى تناول الدجاج المجمد هنا الناس ما تعرفش غير البلدى ومش بتاكل غيره هو ده إللى اتربت عليه.
