فن وثقافة
رامي السويركي: التطور في إنتاج وإخراج الأغاني والبرامج أصبح سلاح ذو حدين
الجمعة 14/يوليو/2023 - 03:08 م
طباعة
sada-elarab.com/691424
وضح المخرج المصري المبدع رامي السويركي بالنسبة للفرق بين الاخراج او الانتاج بشكل عام دلوقتي عن قبل، قائلا ان "التطور في الامكانيات من حيث معدات التصوير واللوكيشنز وطاقم التصوير الموضوع دلوقتي بقي ابسط وده اعطي فرصة كبيرة لمواهب انها تظهر" .
واكمل رامي "كمثال في مجال المزيكا والكليبات زمان كان لازم يكون فيه شركة انتاج وطاقم عمل كبير علشان يطلع فيديو كليب يتم عرضه علي قنوات التليفزيون بمعاير معينة، لكن مع وجود اليوتيوب الان الموضوع اختلف، واي حد يقدر يصور فيديو كليب"، مشيرا إلى أن " ده يعتبر سلاح ذو حدين؛ لانه زي ما ادي فرصة للشباب الجديد الموهوب يظهر حتي لو بإمكانيات بسيطة، برضه خلى ناس كتير تقدر تدخل في نفس المجال بمحتوي رديء وكله بيتعرض علي اليوتيوب او علي مواقع السوشيال ميديا".
لافتا إلى أن " ده وصلنا الى ان المحتوي المختلف او اللي فيه فكرة بقي وجوده قليل جدا وسط زحمة الفيديوهات علي اليوتيوب، ونقدر نقيس ده على حاجات تانية، زي البرامج بعد ما كان البرنامج يحتاج انتاج ضخم علشان يتعرض علي التليفزيون اصبح اي شخص يقدر يصور برنامج خاص به ويعرضه علي قناة اليوتيوب، وزي ما قولت قبل كده، ده كان سبب لظهور برامج مفيدة ومحتوي هادف بامكانيات قليلة وبرضو محتوي ضعيف" .
وختم حديثه قائلا "خلاصة القول ان التطور اللي حصل دلوقتي في انتاج المحتوي كان له تأثير كبير علي المعروض للجمهور سواء في انتاج الاغاني والكليبات او البرامج، وكله بيعتمد علي طريقة استخدامنا الصح للتطور ده، واظهار منه مواهب جديدة ومحتوي جيد".
مقالات وكتاب
تصويت
