الشارع السياسي
الرئيس السيسي: نحتاج 250 مليار دولار لتطوير التعليم مثل الدول المتقدمة
الثلاثاء 25/أكتوبر/2022 - 03:32 م
طباعة
sada-elarab.com/661044
تحدث الرئيس عبدالفتاح السيسي، عن قضايا التعليم، قائلا: "في التعليم تعالي نتكلم وفيه كلام بنسمعه جوه القاعات مع المتخصصين وكلام تاني عن الواقع في مصر.. طيب عاوزين تغيروه ولا لأ؟.. واحد يقولي التعليم إيه علاقته بالاقتصاد؟ جودة التعليم اللي هتقدم.. يا ترى المنتج هيبقا عامل ازاي؟".
وأضاف الرئيس السيسي خلال الجلسة الختامية للمؤتمر الاقتصادي مصر 2022: "25 مليون جنيه دول يكفوا كام واحد في السنة.. في الدول المحترمة والقادرة بتدفع 10 آلاف دولار للطالب في السنة يعني عاوزين 250 مليار دولار علشان أعمل التعليم ده في التعليم الأساسي والجامعي.. حاجة تانية أنا حولتهم لجنيه قولت نديهم 250 مليار جنيه طيب هل الموازنة تقدر تعمل كده؟".
وأوضح الرئيس السيسي: "60 ألف فصل بيتكلف 60 مليار جنيه من غير تشغيل، فيه مدرسين وأطقم لخدمة المدرسة وكهرباء وميه بنتكلم في 60 ألف مدرسة.. طيب لو عاوزين مليون جنيه لرفع كفاءة كل مدرسة يبقا عاوز 60 مليار.. طيب لو مش موجودة حد يقولك المدرسة دي يا عم انت بتتكلم في ايه.. انتوا مش عارفين يعني ايه دولة وبتهدوا بلادكم.. الناس الغلابة لما حد يجي يتجوز من ولادهم يوضبوا بيتهم علشان الناس تشوفوا كويس.. يا ترى إحنا بنعمل كده؟.. أنا بكلم كل المصريين".
ويختتم المؤتمر الاقتصادي - مصر 2022 فعالياته اليوم الثلاثاء، بعد أن ناقش أوضاع الاقتصاد المصري ومستقبله.
ومن المقرر أن تشهد فعاليات اليوم الأخير انعقاد جلسة بعنوان "خارطة طريق لتطوير قطاع الصناعة تحديات وآليات تحفيز القطاع" بحضور الدكتور مصطفى مدبولي رئيس مجلس الوزراء، والمهندس أحمد سمير وزير التجارة والصناعة، كما سيشهد اليوم عقد الجلسة الختامية للاعلان عن التوصيات التي تمثل خارطة طريق لمستقبل الاقتصاد المصري.
جدير بالذكر أن المؤتمر الاقتصادي نظِّمته الحكومة المصرية خلال الفترة من 23 إلى 25 أكتوبر 2022 بتكليف من الرئيس عبدالفتاح السيسي، رئيس الجمهورية؛ وذلك بمشاركة واسعة من نخبة من كِبار الاقتصاديين، والمفكرين، والخبراء المتخصصين.
