حوادث وقضايا
نهى العمروسي بعد القبض على ابنتها: "لو اتكلمت وقولت اللي عندي الدنيا هتتقلب"
الثلاثاء 01/سبتمبر/2020 - 03:50 م
طباعة
sada-elarab.com/541074
شهدت قضية "الفيرمونت" الشهيرة عدة تطورات خلال الساعات القليلة الماضية، أبرزها القبض على عدد من الأشخاص على ذمة التحقيقات ومن بينهم نازلي مصطفى كريم، ابنة الفنانة نهى العمروسي.
وقالت العمروسي، في تصريحات صحفيه: "مش عايزا أتكلم في هذا الموضوع دلوقتي، ولازم الجميع يعرف إن بنتي بريئة، وتم الزج بها في تلك القضية من جهة أهالي بعض المغتصبين "أصحاب النفوذ"، بحسب تعبيرها.
وأضافت "العمروسي": "ابنتي متزوجة من أحد المتهمين في هذه القضي".
وتابعت: "أنا مش عايزة أتكلم عشان لو اتكلمت وقولت اللي عندي الدنيا هتتقلب، بس لو بنتي حصلها حاجة من القضايا واللي أهالي المغتصبين ملفقينها لها، بنفوذهم وسُلطتهم الكبيرة أوي مش هسكت، وبعد اللي حصل لبنتي ده أنا اتأكدت".
واختتمت حديثها قائلة: "لو بنتي حصلها حاجة واستمر الظلم عليها، أقسم بالله ما هسكت والكلام اللي هقوله هيفجر الدنيا، إن شاء الله ربنا هينصرنا".
وتواصل النيابة العامة، تحقيقاتها في قضية التعدي على فتاة في فندق الفيرمونت، عام 2014، وقررت حبس ثلاثة متهمين أربعة أيام احتياطيًّا، وإخلاء سبيل ثلاثة آخرين إذا ما سدد كلٌّ منهم ضمانًا ماليًّا قدره 100 ألف جنيه، وآخر بضمان محلِّ إقامته، وذلك على ذمة التحقيق معهم في وقائع اتهموا فيها بالتحقيقات الجارية في واقعة التعدي على فتاة بفندق "فيرمونت نايل سيتي". ومن بين الثلاثة التي أمرت النيابة بحبسهم 4 أيام نازلي مصطفى، ابنة الفنانة الشهيرة نهى العمروسي.
