اخبار
إرتفاع سعر البطاطس أدى إلى حالة من الغضب بين المواطنين والتجار
الثلاثاء 23/أكتوبر/2018 - 05:43 م
طباعة
sada-elarab.com/118452
أدى ارتفاع أسعار البطاطس حالة من الغضب بين المواطنين والتجار على حد سواء فى أسواق الجملة والقطاعى نظرا لتواصل ارتفاع الأسعار وعدم تراجعها لفترة تجاوزت الشهر تقريبا.
رصد موقع "صدى العرب" من خلال جولة فى الأسواق سواء كان فى شبرا الخيمة ومنشية ناصر والدقى فأجمل عدد من البائعين على أن سبب الزيادة وجود كميات قليلة من محصول العام الماضى وعدم حصد المحصول الجديد.
متوقعين تراجع الأسعار الشهر المقبل مع بدء توزيع المحصول الجديد فيما اتهم خبير زراعى إحدى الشركات الكبرى باحتكار تجارة البطاطس فى مصر.
الكيلو فى الشيكارة بيقف عليا ب 11 جنيه ونص هكذا بدأت الحاجة هانم مصطفى بائعة خضار فى شبرا الخيمة حديثها عن ارتفاع سعر البطاطس مضيفة كنت ببيع الكيلو ب 4 جنيه وال 3 ب 10 جنيه واضطريت لرفع السعر بسبب ارتفاع سعرها فى الجملة ل 11 ونص فزودتها نص جنيه بس عشان الناس تقدر تشتريها ودلوقتى مفيش فى السوق غير كمية قليلة عشان كده سعرها زاد مرة واحدة لكن مش هيستمر كتير كلها شهر والمحصول الجديد ينزل وترخص تانى.
فى أسواق الدقى لم يختلف الأمر كثيرا حيث سجل السعر 13 جنيها للكيو بحسب نسمة فتوح بائعة خضار فى سوق سليمان جوهر مؤكدة أنها تقوم بشرائها من سوق الجملة ب 12 جنيها وأضافت إحنا اتفاجئنا بالغلاء زينا زى الزبائن بين يوم وليلة لقينا تجار الجملة رفعو السعر وأشارت إلى ان الزبون إللى كان بيشترى 3 و4 كيلو بقى ييجى يأخذ كيلو بالكثير.
تجار الجملة فى أسواق العبور واكتوبر نفو تسببهم فى رفع الأسعار وارجعوا الزيادة إلى قلة المعروض وعدم نزول المحصول الجديد للأسواق وقال عرفات السمهودى بائع جملة فى سوق العبور ان الأسعار تتراوح ما بين 8 و 9 جنيهات ونصف الجنيه حسب الجودة مضيفا مفيش بطاطس فى السوق إللى موجود كميات قليلة جدا وده إللى رفع السعر.
