منوعات
" حوار مع نفسي".. شعر: سامي القريني
الثلاثاء 04/نوفمبر/2025 - 12:00 ص
طباعة
sada-elarab.com/785037
قاللي
يعلم ربنا باللي بيا
والأحمال اللي عليا
النار بتاكل جوايا
رغم الالم بأضحك
لحبايبي والناس حواليا
خايف اشكي أنا من حالي
يغضب ربي ويغير أحوالي
وأضيّع نفسي بإديا
قلتله كبر إوعك تستكبر
ماهو فضله كبير
ونعمه شايفها بعنيا
هي كده الدنيا
حبه وحبه
رايحه وجايه
علي بعضها
نتقبلها بمحبه
تدينا حبه
وتاخد حبه
مره بَلّيه
ومره نعمه وهديه
واللي مش عاجبه
ويستغبي
يعاتب ربه
غضبه ييجي
كده في ثانيه
يبلعه حوت
يتشل يموت
ولا يطول حاجه من ديا
إضحك للدنيا تضحكلك
ويدوم فضلك
فاكس للي ينفضلك
نفض لشيطانك ومشاكلك
نفض لهمومك
عيش مع أهلك
خد الدنيا زي ماهيا
الدنيا تفضل تضحكلك
