طوّلت رقبتنا وكبّرتنا.. إسعاد يونس: حمدا لله على السلامة يا ريس من بلجيكا

قالت الإعلامية والفنانة إسعاد يونس، سلام يا مصر يا أرض السلام، سلام فخامة الرئيس عبد الفتاح السيسى، حمدالله على السلامة يا ريس من بلجيكا، طولت رقبتنا، وكبرتنا زي ما طول عمرك بتعمل، مش جديدة عليك، ما السلام أصله مش كلمة، دا عقيدة وطن وإرادة شعب، نعمة ربنا ادهالنا، بس احنا ساعات بنتعود على النعم وننسى إنها موجودة لحد ما يحصل حاجة تزلزل وتهدد الأمان.

وأضافت خلال احتفالية وطن السلام: "ساعتها بنسجد على الأرض شكرا، وبشكر كل إنسان ساعدنا إن نعمة السلام دي تفضل موجودة، عشان كدة اسمحلي فخامتك يا فندم نيابة عن 100 مليون مصري وأكتر، أتقدم إليك بكل الشكر والحب والممنونية إنك ساهمت في الحفاظ على هذا السلام".

وواصلت: السلام مش صدفة ولا منحة، دا قرار ووعي وتضحية، قرار قائد عظيم لأمة عظيمة وجيش عظيم، جيش يعرف يحمي ويصد ويدافع ويصبر ويتحمل، ويجبر كل الكسور والجروح، لكن ساعة الخطر يدوب مسافة السكة.

ووصل السيد الرئيس عبد الفتاح السيسى، مقر احتفالية وطن السلام بدار الأوبرا بمدينة الثقافة والفنون بالعاصمة الإدارية الجديدة.

وتقدم الحفل النجمة إسعاد يونس، وتضم الاحتفالية كوكبة من ألمع النجوم المصريين والعرب منهم محمد منير وأصالة وأمال ماهر وأحمد سعد ومحمد حماقي وحمزة نمرة ومدحت صالح.