اخبار
"البيلي": الصناعة المصرية وصلت للعالمية وعلينا التصدى لهذه الظاهرة
الأحد 05/أكتوبر/2025 - 07:54 م
طباعة
sada-elarab.com/781000
في برنامج كلمتين في دقيقتين، قدّم الإعلامي أحمد البيلي عرضًا مركزًا حول الطفرة الصناعية التي تشهدها مصر، واستعرض أبرز التغيرات والتحولات الصناعية التي مرت بها البلاد في وقت قصير.
وقال" البيلي": "محدش يقدر ينكر النهضة الصناعية اللي بتحصل في مصر، واللي مشفنهاش من أيام محمد علي".
وتابع :" لما نشوف خبر افتتاح مصنع في الصالحية لإنتاج الباصات الكهربائية، ونتكلم عن تصدير 1200 باص لأوروبا ، و2000 مهندس وعامل، ولما نصدر لأوروبا يعني الصناعة المصرية انتقلت للعالمية لكن فيه بعض السلبيات لازم نعالجها ".
وأكمل :" أول هذه السلبيات هي مصانع بير السلم، اللي بتقلد المنتج وتعمل مشاكل للمصنع الأصلي وتشوه صورة الكل لأنها شغالة من غير أي مواصفات قياسية وبتضر الدولة نفسها قبل ما بتضر المنتج علشان اللي بينتج تحت بير السلم لا بيدي الدولة حقها ولا بيشتغل طبقا لأي مواصفات، وعلشان كده لازم نقنن وضعهم ولازم الدولة تاخد حقها منهم".
وأوضح البيلي أن مصر تشهد في هذه الأثناء تحولًا سريعًا في الصناعة والقدرات الإنتاجية، من خلال عدة عوامل أساسية منها،
تنمية البنية التحتية الصناعية وتسريع المشروعات الكبرى، وتوطين التكنولوجيا والاستفادة من الخبرات الدولية، ودعم الحكومة للمستثمرين وتسهيل إجراءات التصنيع.
وأكد الإعلامي أن هذه الطفرة ليست محض كلام بل نتاج خطوات تنفيذية ملموسة يمكن رؤيتها على أرض الواقع، حيث بدأت بعض الصناعات في تخفيض الاعتماد على الواردات وزيادة نسبة المكونات المحلية في المنتجات.
واختتم قائلا:" مصر إن شاء الله في أقل من سنة كتبت اسمها على الخريطة العالمية لصناعة السيارات، ولازم نستغل ده علشان نتقدم أكتر وأكتر، ولازم نحافظ على المصنع المصري وإنتاجه".
