اخبار
محمد موسى يناشد النائب العام القبض على حمو بيكا بتهمة "تكدير السلم العام"
الخميس 29/يوليو/2021 - 09:26 م
طباعة
sada-elarab.com/593470
ناشد الإعلامي محمد موسى المستشار حمادة الصاوي النائب العام بالقبض على مغني المهرجانات حمو بيكا بتهمة تكدير السلم والأمن للمواطنين.
وأضاف محمد موسى خلال تقديم برنامج "خط أحمر" على قناة الحدث اليوم، مش كفاية التلوث السمعي اللي مسمم الذوق العام اللي علي اليوتيوب بتاعهم كمان هتلوثوا ودان الناس في الشوارع بخناقاتكم .. أيه القرف اللي بيحصل ده .. مهو ليه حق يعمل كدة مش نقابة المهن الموسيقية سيباه يسمم أذانا علي اليوتيوب باللي بيقدمه فلازم يصدق كذبته بأنه مطرب .. مطرب إيه وبتاع إيه أنت أساسا ملكش علاقة بالفن ولا من قريب ولا من بعيد .. إرحموا أبونا شوية منكم قرفتونا وكرهتونا في كل حاجة.
وتابع محمد موسى، "الأخ اللي اسمه بيكا ولا سيكا ده راح إسكندرية امبارح وقام وقف عربيته فى الممنوع عند قسم العطارين الضابط المحترم شاهر قمره كلبش العربية.. إزاى يكلبش عربيه ( بيكا ) فحصلت مشادة وصدرت التعليمات التالية من اللواء محمود أبوعمرة مدير الأمن للواء حسام كمال مدير المرور بالتحفظ علي السيارة المضبوطة وعمل محضر مضمونه القيادة بدون رخصة قيادة وتغيير الشكل الجوهرى للسيارة وانتهاء رخصة التسيير وزجاج ملون وتم عرض المتهم علي النيابة والتي قامت بإخلاء سبيله بكفالة ١٠٠٠٠ جنيه .. دي رسالة من الآخر بتقول لا أحد فوق القانون.
