اخبار
"أديب" لـ"أمير قطر": اشرب من نفس الكاس اللى شربت منه الناس
الثلاثاء 11/يوليو/2017 - 01:02 ص
طباعة
sada-elarab.com/49426
شن الإعلامى عمرو أديب، ميع قناة "أون إي" الفضائية، هجومًا قاسيًا على الأمير تميم بن حمد، حاكم دولة قطر؛ بعد خروج وثائق اتفاق الرياض 2013، قائلًا: "اشرب من نفس الكاس اللى شربت منه الناس".
وروى أديب، ببرنامج "كل يوم" المذاع عبر فضائية "ON E"، حوار دار بينه وبين الرئيس عبدالفتاح السيسى، خلال زيارة نيويورك برفقة عدد من الإعلاميين قائلًا: "قلتله يا ريس انت بتسلم على تميم؟"، مضيفًا: "الرئيس بصلى كده وضحك فقلتله ايه يا ريس؟ فقالى إحنا ممكن يبقى فى بينا خلافات وكل حاجة بس اعلم ان انا غير راضى لو حد تناول حد من الأسرة الحاكمة، لأنى مش برضى على الحاجات دى".
وتابع أديب: "وإحنا قاعدين بنغلى، وتعدى السنين ويروح الريس مرة واتنين وتلاتة، ويدخل البيت الأبيض ويمشى أوباما ويجى ترامب وتصبح العلاقات المصرية الأمريكية فى أحسن حالاتها، وتدخل قطر فى نفق ضيق، وحتى لو خلص موضوع قطر ستظل التهمة لاصقة بها بأنها تساند الإرهاب".
