ليبيا .. رسالة من الإعلامية صباح سليمان إلى مدينة بنغازي

تكتب الإعلامية صباح سليمان بعيدا عن أي خلافات وأيدلوجيات، فالحكومات زائلة والشعب باق وبعيدا عن المسؤوليين فيها والجيش، " أنا اخاطب الشعب المواطن الطفل قبل الجد يامؤسسات مجتمع مدني ياحقوقيون يانشطاء" . 

أعذريني بنغازي وإن كنت أُحملكِ مالا طاقة لك به ولكن كنتِ دائما سباقة ولأنني منك بنغازي وانتِ مني فلا اُجيد الحديث إلا لكِ ومعكِ ما لي من سبيل إلا أنت يامدينتي مالي ان استنجد إلا بكِ لم اناشد المجتمع الدولي وقوة حفظ السلام ولم اناشد اي دويلة عربية ، " مايحس بالنار اللي واطيها" ، قرار الناظوري بمنع السفر انقلبت الدنيا وما جلست. 

والوضع الآن اقوى ويستحق مثلها وأكثر، يابنغازي ضحيتي بأغلى ما عندك ومازالت تدفعي أثمان وأثمان لكن رب الأسرة ديما هو الراعي لأبنائه. 

طرابلس من قالت يابنغازي مش بروحك نحن ضمادين اجروحك ، طرابلس اللي قالت بالروح بالدم نفديك يابنغازي بالروح بالدم نفديك يابنغازي، نوضي نوضي يابنغازي نوضي يامن كنت شرارة الثورة يامن كنت دائما تضحي من أجل الآخرين نوضي يامتمردة على الظلم والقهر وعلى القاسي والداني نوضي ياعصية بوسليم تستغيث مدِ يدك لخوتنا وهلنا في طرابلس املئي سجلك بالفخر والعزة ، لو استمر حال طرابلس بهذه الطريقة احتجوا ارفعوا شعارات الوحدة شعارات القلب الواحد لن ينفعنا أحد الا وحدتنا وتماسكنا .