محافظات
"قبل الهنا بسنة".. تسابق أولياء الأمور لحجز مقاعد لأبنائهم في الدروس الخصوصية بكفر الشيخ
الخميس 26/يوليو/2018 - 10:45 م
طباعة
sada-elarab.com/106794
لم يكد أولياء أمور الطلاب والتلاميذ أن يرتاحوا أو يلتقطوا أنفاسهم من الدروس الخصوصية والإرهاق التى تسببه لميزانية البيوت، نظرًا للمبالغة فى أسعارها العام الماضى، حتى بدأ الإعلان عن الحجز وترتيب المجموعات للعام الدراسى الجديد ،حيث أعلن المدرسون عن بدء المجموعات بعد ساعات قليلة تبدأ من أول أغسطس المقبل.
في سباق رهيب مع الزمن.. بدأ تسابق الطلاب والتلاميذ في مختلف المراحل التعليمية وأولياء أمورهم علي الإشتراك في مراكز الدروس الخصوصية بمراكز كفر الشيخ، "قبل الهنا بسنة" لحجز مقاعد لابنائهم ،حيث لم يتمكنوا من التقاط أنفاسهم وخوفًا من ضياع الحجز واغلاقه في وجه المتأخرين،من أجل اللحاق باسطورة التاريخ وسيبويه اللغة العربية وعالم الكيمياء واخطبوط الفيزياء
الإقبال علي حجز السناتر لدي مشاهير الدروس الخصوصية فاق الخيال،وأصحاب السناتر تفننوا في الإعلان عن أنفسهم وامكانياتهم وقدرات المدرسين العاملين بها حتي ان معظمهم يسند لنفسه الانجاز الأكبر بتخريج أوائل الثانوية في العام الماضي سواء علي مستوي الجمهورية أو علي مستوي المحافظة والإدارات التعليمية كوسيلة لجذب أعداد كبيرة من الطلاب.
تقول نادية إبراهيم،موظفة، الدروس كانت زمان مقتصرة على الشهادات يعنى الإعدادية والثانوية ،ويبقى فيه مراجعه ،لكن الأيام دى والله الطفل اللى فى أولى إبتدائى لومأخدش درس عند مدرس أو مدرسة الفصل بتبقى سنته سودة ،تعالى بقى للشهادة الإعدادية بإعتبارها بتحدد مستقبل الولد أو البنت الولاد بياخدوا دروس فى كل المواد وكمان فيه مواد لازم ياخدها مرتين ،الغريب أن بتوع الدروس رافعين التمن السنه دى وإحنا مضطرين نحجز ونروح لأن مفيش دراسة خالص فى المدارس ولا حد بيشرح حاجه ولو كان حد بيشرح مكنتش الدروس بقت بالفحش ده .
ويشير خالد أحمد، طالب بالصف الثالث الثانوي،إلي أنه يقوم بدفع دروس تقترب من الفين جنيه فى الشهر لان بعض المواد المهمة المدرسين يرفضون عمل مجموعات ولكن يصر على تحديد رقم فيقول مثلا ،أنا هدى المادة دى بألف جنيه وإحنا نكون 4 أو 5 طلبة بالكتير بس فى المجموعة يعنى هدفع فى المادة مش أقل من 200جنية وممكن يبقوا 250، وده بخلاف إنى بضطر أخد درسين فى مادة واحدة ،وطبعا مفيش اى شرح ولا تدريس فى المدرسة نهائيا لفصول تالتة ثانوى وعلشان كدا بنعتمد على الدروس الخصوصية.
أما يوسف السيد علي،عامل، يمكن زمان كان موضوع الدروس الخصوصية ده مقنن شوية وكنا بنسمع من وقت للتانى إن الدولة بتحارب الدروس الخصوصية وكلام زى كدا ولكن السنه اللى إحنا فيها دى والله ما عدنا عارفين نعيش الدروس بقت غول ،وحش بياكل دخلنا وغصب عننا بندفع لأن كل مدرس جايب طالب قاعد فى مكان الدروس يطلب الفلوس مقدما والولاد بتتحرج وتضغط علينا ،ويمكن نوفر فلوس الدروس من أكلنا وشربنا.
ويضيف علي عبد الرحمن،ولي أمر طالب، أن بداية الدروس الخصوصية في أول اغسطس مناسبة جدًا من أجل الطالب وليس المدرس فالطالب يحتاج إلي قرابة عشرة أشهر لدراسة المنهج ومراجعته أكثر من مرة والتدريب علي الامتحانات قبلها بفترة كافية.
وأكد أحد المدرسين رافضا ذكر أسمه،أنه تم حساب توقيت العيد الأضحي وسيضيع من العام أسبوع والامتحانات سوف تشمل رمضان وعيد الفطر فلابد من البدء في هذا التوقيت لأن المدرس مطالب بالانتهاء من المنهج ومراجعته أكثر من مرة وعلي النقيض فان معلم المدرسة غير ملزم بالانتهاء من المنهج فقط انما سنتر الدرس يكون "تحت طلب" الطالب في أي وقت.
مقالات وكتاب
تصويت
