طباعة
sada-elarab.com/772237
ناخد بالنا من مكان الألم ده مهم جدا..
تقسم البطن الي ٩ أجزاء
وكل جزء وراه احشاء
بها عضو من اعضاء الجهاز الهضمي ..
علي سبيل المثال
لو فيه ألم أعلي البطن ناحية اليمين
والألم يزيد بعد الأكل ممكن يكون التهاب بالمراره، الناتج عن وجود حصوه بالمراره ، ومع تكرار المسكن يختفي الالم وممكن الحصوه تعمل انسداد بالقناة المراريه ويتعرض المريض لمشكله كبيره .
طب نعمل ايه في الحاله ديه ؟؟؟؟
علشان نتأكد نعمل اشعه تلفزيونية مع شويه تحاليل وعرضها علي الطبيب المعالج.
نعالج سبب الالم الرئيسي بدل المسكن واضراره الكبيره .
والمثال الأهم !!!
لو كان الألم اسفل البطن ناحيه اليمين
ممكن يكون فيه التهاب في الذائده الدودية وده سبب الوجع او الالم .
وفي حاله اخد مسكن يقل الالم
وممكن تنفجر الذائده الدودية
وتؤدي الي تسمم بالدم مما يؤدي الي الوفاه .
طب نعمل ايه في الحاله ديه .
نروح بسرعه علي الطوارئ لعمل فحوصات بالدم واشعه لمعرفه سبب الالم وعلاج السبب الرئيسي.
الاحساس الالم ...نعمه كبيره من المولي عز وجل .
لان الالم بمثابه مؤشر أو إنذار. ان الجسم به ضرر يحتاج تدخل مبكر لإصلاح سبب الالم وعلاج السبب الرئيسي مما يؤدي الي اختفاء الالم .
تحديد نوع الادوية والمسكنات والعلاج والجرعه المناسبه مسؤليه الطبيب المعالج ..والعلاج يختلف من مريض لآخر حسب عوامل كثيره مثل العمر و الحاله والتاريخ المرضي .
لذلك ..
بلاش نتبرع بالمسكنات لأصحابنا وأقاربنا وكان المسكن ملبس او حلوي .
وخلينا فاكرين
مش اي وجع بالبطن ينفع ناخد له مسكن
تمنياتي لكم جميعا بالسلامة
د.هبه شعوط
دكتوراه العلوم الصحية جامعة الإسكندرية
