محمد إمام يعلن انتهاء تصوير فيلم أبو نسب ويصرح انه أحلى فيلم عملته لحد دلوقتي

أعلن الفنان محمد إمام انتهاء تصوير فيلم أبو نسب، والذي كان من المقرر عرضه في السينمات المصرية خلال شهر أغسطس، ولكن كشف الفنان بأنه لم يحدد موعد نزوله حتى الان.

_                                       ( انتهاء تصوير فيلم أبو نسب )

ونشر محمد إمام صورة من كواليس تصوير العمل عبر حسابه الرسمي بموقع تبادل الصور والفيديوهات انستجرام، وعلق عليها: الحمد لله فركش فيلم أبو نسب، وده شكلي بعد ما خلصت تصوير الفيلم، لسه ماقررتش ميعاد نزوله، بس تقريبًا ده أحلى فيلم عملته لحد دلوقتي، عندي كلام كتير عاوز أقوله على طاقم العمل، بس أنام شوية وأصحى نشوف الموضوع ده.

وسبق، وأشارت ياسمين صبري أيضا عن موعد طرح فيلمها الجديد “أبو نسب”، والتي تشارك به إلى جانب الفنان محمد إمام، مشيرة إلى أنه من المقرر عرضه في أول شهر أغسطس المقبل.

وأشادت ياسمين صبري بتعاونها مع عائلة عادل امام، فقالت: بوجه تحية لمحمد إمام دا تالت فيلم ليا معاه وبصراحة أنا بستمتع جدًا بالشغل معاه، احنا فاهمين بعض، وهو فاهمني أني سلسة جدًا، وأستاذ رامي إمام أنا أول مرة اشتغل معاه، واتشرفت جدًا جدًا بالشغل معاه، وهو مخرج حساس وشاطر، ودمه خفيف، وبيحس أوي بالممثل، وعايزة أوجه تحية لمامت رامي ومحمد إمام، هي يا زين ما ربت، وللزعيم عادل إمام يا زين ما اختار، ومحصلش نصيب أقابل الزعيم بس اتكلمنا في التلفون قبل كدا وبتمناله كل السعادة والصحة، وفي اللوكيشن معاهم بحس أني وسط عيلتي.

ويذكر، أن أخر أعمال محمد إمام في السينما فيلم عمهم الذي دارت أحداثه في إطار كوميدى، حول ملاكم يدعى سلطان، يعمل مع صديقه سعيد، في مركز رياضي، فتقودهما صدفة جبارة وهى مطبعة تزويد الأموال، وتتوالي الأحداث، وشارك فى بطولة الفيلم كلًا من : محمد عادل إمام، محمد سلام، أحمد الفيشاوى، محمود حميدة، سيد رجب، ميرنا نور الدين، هنا الزاهد، نرمين الفقي، محمد لطفي، باسم سمرة، تأليف وسام صبرى، وإخراج حسين المنياوى.