محافظات
"البدارى" تحتفل بذكرى نصر أكتوبر .. وأبناؤه يغردون بقصائدهم على أغصان العبور
الجمعة 08/أكتوبر/2021 - 05:23 م
طباعة
sada-elarab.com/607224
شهد اللواء عصام سعد محافظ أسيوط أمس الخميس ، احتفالية نظمتها النائبة الوفدية نشوى رائف بمناسبة الذكرى 48 لنصر أكتوبر العظيم بمقر المدرسة الإعدادية بنين بمركز البدارى.
وتضمن الحفل فقرات شعرية غرد فيها أبناء البدارى الموهوبين بقصائد شعرية على أغصان العبور وألقت الطالبة أسراء عصام قصيدة بعنوان " يا حلوه يا مصر" تقول فيها..
كنيسه وجامع وبينهم بيوت وناسها في حواري ماليها الياقوت
في حلوه ومره معاكي نفوت بدمعه وضحكه وروحنا تموت
يا حلوه يا للي سكنتي القلوب يا سابقه الجمال بشارع معز
وخان الخليلي وشطك يوز وهرمك يهز ..جميع القلوب
يا مطمع في كل الليالي وناس.. عاشقة ترابك وكارهك مداس
يفوق احساس عليكى يا مصر حضارة سنين شوارعك وتين وقلبي حزين
يا حلوه ونصر يا امي في ضيقه في فرحي صديقه
بحي وبشكر اهل الصعيد ده هما اساس الحضارة وهما عداوة لأهل الوعيد
و هطلع احي اهل المنارة ده كانوا لعدوك سد وحديد
وسينا يا اللي سارقه القلوب خدوكى منا زمان اليهود
رجعتي لينا بقوه حروب يا ملكه زمانك في كل الاراضي
يا قاهرة عدوك شافوكى لهروب
يا جيزة وسويس وناس قليوب يا شرقيه غربيه.. حلاوتك تروح لناس منصورة.. ونور مطروح وجينا لحلايب فعقلي دا دايب نروح شلاتين ف قلبي يلين
يا حلوه وجميله بكل ما فيكى
هضحي بعيالي فتحمى عينيكى
علمك يرفرف ويخطف خراب ويمشي اكتئاب عدوك فجاه نخليه سراب
ونقفل في وشه 100 الف باب خانوكي كتير ..تعبتى كتير
انا مصري اكيد شايف.. ومش شايف
عموما ..هترجعي جميله بكل حالاتك وكل حاراتك
يفوح العطر يطهر ترابك
تعودي جميله عروسه بطرحه
تعودي بفرحه ونشبع من جمالها ..الله
يا كنتي وأنتئ ودمتي الحياه
ده لاجئ ليكي وشافك نجاه
ماضيكي وحاضرك قالولى كتير فمش محتاجه اي دليل
يا حلوه وجميلة يا حلوه يا مصر
وكما القت الطالبة ندا السيد قصيدة شعرية بعنوان "ست الكل"
تقول فيها :
ف وصف ست الكل وف وصف بلد الامان
ف صوره لأنبا بصحبة امام و ف صورة صليب ويه الهلال
ف مشهد بيتجسد جوا الميدان نفس الهتاف بيهز المكان
مسلمين مسيحيين يعني مسلحين يعني واقفين ضد اي ظلم ومش مسلميين
مصر مين مصر السلام مع صوت اذان
مصر الامان مع صوت جرس مصر الونس
مصر الشهامة مصر الكرم مصر الحضارة مصر الهرم
مصر احمد ويه مينا مصر سينا ونسر وعلم مصر الامل
كام جندي واهبلك روحه و واقف ع الحدود
حبيبتي يا اجمل ما في الوجود جيشك اسود وتملي حمينك
دمهم بيجري ف نيلك تراب ارضك تراب جنه
مصر ياااا منه من رب العباد مشهد انتصارك تملي بيتعاد
ف كل البلاد تبت يدا اعدائك
وتبت يدا كل اللي كارهينك بارحنا شارينك
وتامنك تملي كان غالي رفرف يا علم ف العالي
وحلق يا نسر ف السحاب ابعت سلام لكل العرب
وابعت سلام لكل شهيد ف السما غاب
وتقول طالبة زينب أسماعيل في قصيدتها "مصر العظيمة"
لو لم تكن مصر العريقة موطني
لغرست بين ترابها وجداني
وسلكت درب الحب مثل طيورها
وغدوت زهرا في ربي بستان
وجعلت من عطر الزمان قلائدا
ونسجت بين قبائها إيماني
صدر الأم يعرفنا مهما هجرناه
في شوق يلاقينا يا سادة الأحقاد
مصر بشعبها بترابها بصلابه الإيمان
مصر العظيمة سوف تبقى دائماً
فوق الخداع وفوق كل جبان
مصر العظيمة سوف تبقى دائماً
مصر العظيمة سوف تبقى دائما
