شاهد.. "سيناوية" لـ"السيسي": إحنا مش إرهاب وربنا يعلم إحنا عايشين إزاي

قالت شيماء، سيدة من سيناء، أن أهل سيناء يعانون كثيرًا من التهميش والظلم، من جانب الحكومة والإعلام، الذي لايذكر عن سيناء سوى الإرهاب، متناسيًا تاريخ اهل سيناء وبطولاتهم العظيمة في الحفاظ على أرضهم.

وانتقدت شيماء، خلال الجلسة المسائية للشباب مع الرئيس عبد الفتاح السيسي، بمؤتمر الشباب الدوري بالإسماعيلية، عدم ذكر بطولات أهالي سيناء في معركة التحرير، في الفيلم الوثائقي الذي عُرض خلال المؤتمر الثالث للشباب.

وأضافت "شيماء" موجهة حديثها للرئيس السيسي،  قائلة: "كل اللى اتذكر محاربة الإرهابي في جبل الحلال، يعني احنا برضوا ارهاب وبنتهاجم في الإعلام، احنا مش ارهاب، وربنا وحده يعلم احنا عايشين ازاي، مافيش سلع تموينية بتجيلنا إلا لما تقعد 3 ايام تتفتش واحنا بنقعد بالساعات علشان نعرف نعدي، وحضرتك عارف الكلام ده لأن الكوبري مقفول والمعديات مقفولة".

وتابعت: "احنا المواد بتاعة البناء بندخلها بالعافية، بندخلها بأمر من المخابرات، احنا عايزين تسهلولنا حياتنا شوية أكتر من كدة، سهلولنا طرفنا ودخول مواد البناء، والله والله ما هنحارب الإرهاب إللا بالتنمية، مش هنحاربهم بالرصاص لأنهم خفافيش، واحنا برضوا عايزين مشاركة مجتمعية من أهالي شمال سيناء للجيش والشرطة زي الأول وأكتر".