انتقد الإعلامي تامر أمين قرار الشرقية للدخان، رفع أسعار السجائر المحلية بعد أن كانت قد أرجأت القرار عقب زيادة أسعار السجائر المستوردة.
وقال "أمين"، ببرنامج «الحياة اليوم» على قناة «الحياة»، ده خبر مؤسف خاصة إن السجاير الكليوباترا اللي بيشتريها مواطن بسيط وغلبان، مية مرة قلت للحكومة والمؤسسات لما تيجوا تغلوا غلوا على الطبقات القادرة مش الناس الغلابه».
وتابع أمين:«الشرقية للدخان هي اللي بتنتج المستورد والمحلي، هي اللي بتنتج مارلبورو وبتنتج كيلوباترا، يبقى لما تيجي تغلي تغلي ماربلوروا وتسيب كيلوباترا، أنا عارف إن التدخين ضار بالصحة وزي الزفت، بس فيه طبقات كادحة مبتقدرش تستغنى عن الدخان».
واستطرد أمين:«الفواعليه والعمال دول اللي يومهم عبارة عن كوباية شاي وسيجارة، لو مفيش دول يومهم مبيكملش وهيبقوا خرمانين، وانا قلتلكوا قبل كده احذروا غضب الخرمانين».
