طباعة
sada-elarab.com/806055
في دراسه علميه تمت علي هذا الموضوع وجدوا أن 25%تقريبا من سكان الأرض يعانون من نقص الحديد في الدم أو فقر الحديد في الدم اي ما يوازي 1.6-1.8مليار نسمه يعانون من هذا المرض الذي يتركز النسبه الأكبر منه في الأطفال 40% في الأطفال حتي سن الخامسه
37%في النساء الحوامل فالسيده الحامل يتم توزيع الدم الخاص بها علي الأم والجنين في أن واحد
30%في السيدات من سن 15حتي 49سنه
وحتي الان مش فاهمين سر ليه الانيميا تتركز في السيدات عن الرجال باستثناء موضوع الدوره الشهريه وربما حدوث نزيف مؤقت .
طبعا اعراض الانيميا واضحه .
دوخه
صداع
ضيق تنفس
عدم تركيز
اغماء في بعض الأوقات
شحوب في الوجه
ابيضاض في الاظافر وتكسرها بسهوله
ابيضاض الشفاه من الداخل
طيب ايه العلاج؟
يتركز علاج الانيميا الناتجه عن نقص الحديد علي عده عناصر معادن وفيتامينات وليس الحديد وحده
اولا الحديد في صورته النشطه اللي هو FE3 وهوferric. وليس ال ferrous
ثانيا ودا المهم الاكتوفيرين lactofeerin وهو لبن السرسوب كاسم متعارف عليه وده مهم جدا جدا لامتصاص الحديد داخل الدم
3-فيتامين سي وده مهم برضه لامتصاص الحديد من الأمعاء
4-الفوليك اسيد وده مهم لتكوين الهيموجلوبين في كرات الدم الحمراء والمسؤول عن نقل الأكسجين في الدم الي باقي انسجه الجسم
5-فيتامين B12 أو الريبوفلافين
وده مهم في تكوين كريات الدم الحمراء اللي بيفرزها بالمناسبه نخاع العظم ايوه زي ما سمعت نخاع عظمك هو اللي بيفرز كريات الدم الحمراء كل 120يوم. و اللي بتدخل مع مكونات أخري بنسبه 10%من مكونات الدم وباقي ال90%من دم الإنسان هو عباره عن ماء لذلك شرب الماء مهم لتقليل لزوجه الدم blood viscosity وتقليل الجلطات .وسيبكم من اللي قالك متشربش ماء
طبعا هناك اكلات مهمه للحفاظ علي الجسم من الاصابه بالأنيميا
زي
1-السبانخ الغنيه بالحديد
2-البنجر بكل أنواعه
3-الباذنجان
4-قصب السكر
5-التفاح
كل ده حاجات رخيصه ما عدا رقم خمسه شويه لكن تقدر مع هذه الأصناف وطبق سلطه يحتوي علي فيتامين سي تتخلص من كابوس الانيميا اللي بيقلل انتاجيه الفرد وانتاجيه الدخل القومي للدول من حاجه علاجها سهل وبسيط
دمتم بخير وعافية
مقالات وكتاب
تصويت
