اقتصاد
تركي آل الشيخ يفتح النار على إدارة الأهلي
الأحد 10/فبراير/2019 - 08:30 م
طباعة
sada-elarab.com/132680
فتح تركي آل الشيخ، رئيس هيئة الترفيه السعودي، النار على إدارة النادي الأهلي، عقب البيان الرسمي، الذي أصدره المارد الأحمر مساء أمس، واتخذ خلالها عدة قرارات نارية، كان من بينها الانسحاب من البطولة العربية، بسبب إساءات رئيس الاتحاد العربي.
وكتب «تركي»، عبر حسابه الرسمي على موقع التواصل الاجتماعي «فيس بوك»، قائلًا: «هوا ماشاء الله لسة فايقين، إن فيه هجوم وإساءة ليكم من رئيس الاتحاد العربي، ولما قلت في لقاء تلفزيوني إني من كام يوم إني بفكر استقيل من الاتحاد العربي.. فحبيتو كالعادة تاخذوا اللقطة وتطلعوا أبطال قدام الجمهور، وتلعبوا على نغمة إحنا اللي مشيناه.. وكمان مش دي البطولة، اللي لعبت فيها كدة مباراة قبل كدة وطلعت ؟! وهوا أنت شاركت عشاني ولى عشان مصر وعشان الجايزة اللي بـ٨ مليون دولار؟، وبعدين لما عرفتوا إن اتحاد الكورة حيأجل الماتش، وده حق مشروع لبيراميدز رحتوا عاملين بطولة ومنزلينها في بيانكم، وكأنه مخرج ليكم ؟! عشان ميبانش إن اتحاد الكورة أخذ القرار العادل!، وكمان عاوز أسأل هوا متشنا معاكم كان من غير جمهور الدور الأول.. يبقى من حقنا الماتش التاني يبقى بدون جمهور وده الحق الطبيعي اللي لينا.. وأنا بسأل للمرة المليون وقدام الجمهور الأن فين قرار قبول الاستقالة من الرياسة الشرفية؟! ومين اللي خايف يواجه؟.. أنا اللي طالبت إن المتش يكون كاس وبنفس التاريخ واتبح صوتي من ١٠ أيام بكده، ومين اللي عاوز يأجل متش الزمالك؟ بعدين أنا بستغرب.. أخاف ليه وأنا فايز بـ٢، وجون من السعيد وجون من أوفر من السعيد؟ لاعب منتخب مصر اللي أتدفع قيمة ٣ مرات واللي بتحارب فيه واللي رميت بكل الذوق والمبادئ ورحت تشتكيه على الفيفا، وعلى الأهلي السعودي اللي منه الأمير المرحوم عبد الله الفيصل الرئيس الفخري واللي فيه صالة بسمة في النادي! أنا فهمت الفيلم اللي كنت بتعمله بس فهمته للأسف متأخر.. إن الهدف إحراق صورتي وكسب بطولة زايفة قدام الجمهور.. الله يرحمك ياصالح سليم».
