رئيس الاتحاد العربي للتعليم والبحث العلمي: حكمة السيسي امنت مشكلة الغذاء

أشاد د. محمد عبد الفتاح مصطفى رئيس الاتحاد العربي للتعليم والبحث العلمي بحكمة الرئيس عبد الفتاح السيسي رئيس الجمهورية ونظرته المستقبلية الثاقبة في تأمين ازمة الغذاء التي تمر بها اغلب دول العالم حاليا والتي قد تطول.


حيث كان للتوسع في تطوير وإنشاء المزارع والصوب الزراعية وإستصلاح الأراضي وشق الترع واستخدام التكنولوجيا الحديثة لتوفير المياه والزراعة وكذلك التوسع في انشاء وتطوير الطرق وتحسين المواصلات دور مهم جدا في تأمين مصر والمصريين من ازمة نقص الغذاء والتي لو طالتنا ماكان لنا القدرة علي مواجهتها.

واضاف مصطفي إن ماتتعرض له مصر حاليا من ارتفاع في بعض الاسعار ماهو إلا جزء بسيط مماتتعرض له وتعاني منه دول كبري بسبب تغير المناخ والحروب والأوبئةوغيرها من الأزمات.

 ايها السادة لا ننكر ان هذه المجهودات وغيرها في المجالات الاخري ساعدت علي توفير مكانة افضل ولولا الأزمات العالمية المتتالية لشعر المواطن بهذا التطوير. والأن يجب علينا بذل مزيد من الجهد والتفكير خارج الصندوق والإستثمار الامثل للوقت والموارد المتاحة لمواجهة هذه التغيرات الخارجة عن الإرادة وإن شاء الله القادم افضل.

 واضاف د. محمد عبد الفتاح مصطفى رئيس الاتحاد العربي للتعليم والبحث العلمي لقد سعدت كثيرا واطمئننت لهذا التقرير الهام لأنها  أخبار جميله و مطمئنه تبعث علي الرضا و السعاده.

 منقول
"تقرير منظمة الفاو العالمية اللي طلع امبارح  قال ان لحد العام 2024 في دول هيحصل فيها مجاعات ومنها دول صناعية كبري  لأنها معتمدة علي الاستيراد لطعامها .. و اهملت الزراعة
طب مصر يا ست فاو
هل حنجوع ونعطش  

قالتلك لااااا .. مصر دولة آمنة غذائيا و مش كده وبس ... دي حققت اكتفاء ذاتي من 82 سلعة غذائية واتجهت للتصدير

مصر احتياجها السنوي العادل 24 مليون طن خضار وفاكهة ... و أقصي احتياج 28.5 مليون طن

اللي حصل بقا ان مصر انتجت 37 مليون طن خضار وفاكهة

 26 مليون طن خضار متنوع

 7 مليون طن فاكهة .. ولاول مرة مصر بتدخل علي خط مصدرين العنب وبتصدر 120 طن من العنب الاحمر

 1.8 مليون طن تمور فائقة الجودة " خد بالك من فائقة دي مش عالية هاااا " .. و بتزيح تونس من المركز الاول لمصدري التمور افريقيا وبتحتل المركز الاول

5 مليون طن ذرة بيضا.. ده اكتفاء اعلاف

900 الف طن ذرة رفيعة .. اعلاف بردو
 4 مليون طن بصل

ده كله غييييير

 اكتفاء من السكر .. و دخلنا علي خط المصدرين و بنافس فرنسا
و فرنسا طلبت مشروع تكاملي مع مصر يتنفذ في خلال 3 سنين بداية من سبتمبر 2022 ... هيكون عن طريق مصنع قنا الجديد

اكتفاء ذاتي من الاسماك .. وفي النصف الاول من 2022 اللي لسه مخلصش مصر قدرت تصدر 2.8 مليون طن أسماك وجمبري

 أسأل نفسي هي جت منيييين

لقيت ان مصر اتغيرت زراعيا جدااا

فائض التمور .. جه من مشروع 10 مليون نخلة
هي اصلا مصر تمتلك 13 مليون نخلة
فبقا عندنا فعليا 18 مليون نخلة مزروعين وبينتجوا و 5 مليون نخلة تحت الزراعة

مصر عملت 3 مشروعات عملاقة
 مستقبل مصر   2مليون و 200 الف فدان
شمال الدلتا  800 الف فدان

 جنة مصر 660 ألف فدان

غيييييير المليون ونص فدان بتوع القمح
و مشروع الصوب الزراعية في الساحل بالقرب من قاعدة محمد نجيب
و مشروع الارز في شمال الدلتا اللي حقق فائض انتاج بنسبة 106%
 
مصادر المياة :
مصر عملت 3 أنهار صناعية مصدرها مش النيل كمصدر اساسي هى مياه جوفية و معالجة مياه الصرف الصحي و معالجة مياه الامطار   

النهر الاول
 ترعة مستقبل مصر
عبارة عن:
26 كم مواسير مغطاة + 16 كيلومتر ترعة مكشوفة
المياه فيها مصدرها توفير المياه من مشروع تبطين الترع اللي شغال في الجمهورية كلها
بالاضافة لمجسات المياه الجوفية اللي طلعت 121 بير جوفي كانوا مهملين وتم اعادة توظيفهم
و دي بتنقل 5 مليون متر مكعب يوميا

واتعمل فيها 6 محطات رفع مياه
و اتبني مصدات مائية لمنع دخول نهر النيل لها

 النهر التاني : منطقة شمال الدلتا اللي بتبدأ من مدينة الحمام
و ده عبارة عن:
نهر صناعي بطول 170 كم
148 ترع مكشوفة
والباقي مواسير مغطاة
بيوفر 7.5 مليون متر مكعب مياه يوميا
تكفي ل ري 800 الف فدان
و ده الهيئة الهندسية عملت فيه معجزة حرفيا
لأن المياه فيه عكس المجري
ف نفذت 13 محطة رفع عملاقة ل رفع المياه من أسفل لاعلي
مصدرها الاساسي  مياه الامطار اللي اتحوشت في صهاريج الشمال وتحلية مياه البحر في محطات التحلية العملاقة اللي اتعملت علي خط الساحل الشمالي

 النهر التالت.. جنة مصر
و ده عبارة عن :
مواسير مياه سطحية مغطاة
بالاضافة ل 33 كم ترع مكشوفة
وبالمناسبة
مصانع المواسير في مصر اشتغلت له بكامل طاقتها واستوردنا من بلجيكا كمان
والهيئة الهندسية نفذت فيه 3 محطات رفع عملاقة

بالاضافة الي :
تطهير بحيرة مريوط اللي انتهت بالفعل و عادت للثروة السمكية
وجاري تطهير بحيرة ادكو"

السؤال المهم :

ليه الاسعار بتاعت الخضار والفاكهة غالية و لو انها رخصت الايام دى..

العالم بيمر بأزمة تضخم عالمي من اثاره ارتفاع الاسعار

ليه مش حاسين بالاثار الملموسة للمشروعات دي
لا انت حاسس طبعا ..
و الا تظهر عندك ازمة غذاء
لكن انت تقصد فلوس التصدير بتروح فين..
بيعاد استثمارها في مشروعات اخري عشان بعد انتهاء المشروعات دي يتحقق الفائض اللي يحقق لك الرفاهية كمواطن .. و ده بيتم في مصر بسرعة

بالاضافة الي الزيادة السكانية الرهيبة .. اللهم احفظ مصر ورئيسها وجيشها وشرطتها وشعبها من كل شر و سوء يا رب.
تحيامصر ورئيسها