عرضت قناة DMC الجزء الثانى من حلقة النجم محمد رمضان في برنامج "صاحبة السعادة" للفنانة والإعلامية إسعاد يونس، وقال محمد رمضان: "المطرب شعبيته 10 أضعاف الممثل، فعلى سبيل المثال بنضرب المثل بجنازة أم كلثوم وجنازة عبد الحليم، مش بجنازة ممثل لأن المغنى أقرب للجمهور من الممثل اللى لازم توفر شاشة للجمهور عشان يشوفه، لكن المغنى بيوصل للناس في كل مكان".
وأضاف محمد رمضان: "عندى أغنية مع أغلى رابر في العالم اسمه فيوتشر، ودى أول أغنية هو يعملها مع فنان عربى، وأنا لا دافع له حاجة ولا هو دافع لى حاجة، وشايفين بعض مكسب، والتبادل الفني مطلوب زى التبادل بين الدول.
وأضاف محمد رمضان: "أول حفل ليا في الساحل كان الجمهور فيها 150 ألفا، والطرب محتاج شجاعة أكتر عشان مقابلة الجمهور، ولكن الممثل فادنى وخدمنى بشكل كبير إنى بتعامل في الحفلات زى المسرح، وبحس إنى جوا عرض مسرحى ومش بتكلم مع الجمهور غير بعد ما بقدم 6 أغانى، ومش بفكر أعمل حركات معقدة، ومن ضمن أسرار نجاح الأغانى بتاعتى إن كلامها سهل والناس بتعرف تغنيها"