علق الرئيس عبدالفتاح السيسي، على تنفيذ 15 محطات رفع مياه في سيناء قائلًا: «ده معناه إننا بناخد المياه عكس الانحدار الطبيعي، يعني التحدي هو إن ميبقاش في تكلفة في نقل المياه، لأن محطة الرفع هتفضل شغالة 24 ساعة عشان تاخد المياه».
وأضاف السيسي في افتتاح محطة معالجة مياه مصرف بحر البقر: «ويجي الدكتور شاكر –يقصد وزير الكهرباء- عاوز حق الكهرباء عشان يعمل خطوط ويغلبنا ويقول مش هعمل إلا لما تدوني الفلوس».
وتابع: «عشان الـ15 محطة يتعملوا قعدنا مع الشركات اللي بتجيب الطلمبات عشان نفاصل معاهم في ثمن حاجتنا اللي بنجيبها لبلدنا عشان ناخد أحسن حاجة بأحسن سعر، والموضوع ده لو بنعمله من غير حوكمة ممكن يوصل لـ200 مليار جنيه».
ليرد عليه اللواء أركان حرب إيهاب الفار رئيس الهيئة الهندسية للقوات المسلحة، قائلا: «تمام يا أفندم إحنا نزلنا أسعار كتير جدا وسيادتك طلبت الناس وقعدت معاهم والتخفيض فوق تصورنا».